الحياة الجامعية college life الجزء الثاني

السلام عليكم جميلاتي

شكرا لحماسكم معاي واسفه عالتأخير ،، النفسيه تحت الارض مو بالارض بس

نكمل سوا

*الصداقات بالجامعه
اختلاف جوهري ثاني بين المدرسه والجامعه هو الصداقات
بتتعرفين على كثير كثير ناس ،، يمكن بكل كورس يكون لك ناس تعرفيهم
كلهم صديقاتكم ؟ بالجامعه مو زي المدرسه ، انتي وصديقاتك ماتصيرون مع بعض دايم .. جداولك تختلف وتجتمعون بالبريك او ما تجتمعون
نصيحتي ؟ انتبهي مين انت تعتبري صديقه لك ، لمين تحكي يومك واسرارك
انا انسانه اجتماعيه واحب الناس كثير ،، ف بالجامعه اعرف عدد لا بأس به من البنات ،، صديقاتي منهم ٤ بس
انا مو ضد تكوين الصداقات ،، بالعكس شي حلو ويخلي معرفتك تتوسع
انا مع الحرص باختيارهم بس

*الجامعه عرض ازياء
لا تشغلي وثتك بمتابعة البنات وصيحات الموضه وهذي وش سوت وهذي وش لبست واي ماركه
الجامعه مكان دراسه ،، ما اقول لا تلبسين ولا تكشخين ابدا
بالعكس انا مع الكشخه ،، ترفع نفسيتك وتخليك تتحمسين ،، اللي اقوله : لا تخلينها تكبر همك
بالاخر انتي جايه تتعلمين وتحصلين شهادتك
مو جايه تعرضين ازياء وتتابعين بنات

*الجامعه ضغط وكرف ما يمدينا نتنفس صح ؟
ايام بتحسونها كذا لكن برضو ،، احيانا المس تعتذر او تكنسل ،، ويصير عندكم بريك فجأه وتستانسون
احيانا تجلسين بكورس ٣ ايام نفسًالشي يتكرر فما يصير عندك دراسه كثير
في الكورسات التطبيقيه بعد المسز يخلوكي تطلعي لو خلصتي
كرف دراسي ممكن يكون ايوا ،، خاصة لما تبدي تاخذي مواد التخصص .. كثير بيكون عندك متابعه
بس طبعا هالشي يعتمد عليك انتي

*كيف انظم وقتي ؟ وكيف اذاكر ؟
تنظيم الوقت عائق لبعض البنات ،، بالتحضيري كان دوامي من ٨ ل ٤ يوميا
ارجع البيت بس ابي انام ،، ولو انتو مثلي فالنومه ام نص ساعه ماتسوي شي لازم اقل شي ساعتين ف ضاع يومكم 😅
نصيحتي ؟ فيه كورسات ما تاخذوها يوميا وفيه حاجات ماتحتاج مذاكره يوم بيوم ،، هذي ممكن تخصصون لها وقت نهاية كل اسبوع
وكمان فيه كورسات ثقيله وتحتاج متابعه يوميه زي الماث ،، هذي يوم بيوم لازم تذاكرون المحاضره وتحلين واجبك لو عليك حل
زي ماقلنا محد بيناقشك او بيفتش عليك ( مع انو بعض المسز لسا يفتشو ) بس لو حليتيه فلنفسك ولو ماحليتيه فعليها .. كذا الدنيا ماشيه
وواجبات الجامعه غالبا تاخذ وقت يعني ما يمديكي تحلينها باول خمس دقايق قبل المدرسه تبدا تفتيش ( حركات الثانوي ههه )
فزي ماقلت قسمي موادك اللي تحتاج متابعه يوميه واللي اسبوعيه
لا تراكمي شي عليك ،، بتندمين لما تنضغطين يالاختبارات

وعموما بالجامعه فيه تواريخ او ايام محدده للاختبارات
انصحكم يكون معاكم بلانر صغيره ،، تسجلون عليها المواعيد اول باول عشان ما تنسون

شي كمان عن نظام الجامعه ؟ صح انو السالفه فله انو عندك محاضرات وتتنقلي عشان تحضريها
وعادي تغيبي
المستجدات انصدموا ؟ ايوا مره عادي تغيبي ،، محد بيقولك وينك ولا ليش ما حضرتي يا فلانه
بعض المدرسات يحطون نسبه عالحضور وبعضهم لا
بس المهم انو عندك حدد مححد للغيابات ،، مثلا ماده ساعتين تقدري تغيبين ٨ مرات والمس ما تقول لك شي
بس اش يصير ؟ يجيك انذار اول ثم انذار ثاني ثم حرمان

اش يعني حرمان ؟ يعني بكل بساطه انتي محرومه من حضور الماده ومن الاختبار النهائي ،، يعني رسبتي بهالكورس
تخيلتوا الفله اش اخرتها؟ اذا بتغيبين عشان عندك ظرف غيبي بس تأكدي انك تحصين غياباتك كويس
غيابك عن الجامعه بيأثر عتحصيلك الدراسي اكيد
فيه مواد لازم لازم تحضريها مع مدرسه والا ما حتفهميها
وساعات المس تقول حاجات مهمه وتفوتك عشان انتي ماكان لك نفس تحضرين

باختم موضوعي بكم كلمه انجليزيه ومعناها ،، بتحتاجونها كثيير

Syllabus
السيالبس هو عباره عن مجموعة اوراق فيها شرح المقرر وتوزيعه وتوزيع الدرجات وتواريخ الاختبارات المهمة ومعلومات عن المس
زي وين مكتبها وايش الساعات المكتبيه لها وكيف تقدري تتواصلي معها
راح تحتاجين هالاوراق عدة مرات والمسز يعطوها ببداية الترم كل مره ،، جمعيها واحتفظي فيها

Course
الكورس بمعنى الماده او المقرر اللي تدرسيه ،، اسمائهم غالبا تكون ثلاث حروف وارقام .. لها معاني بس مو حابه اتطرق لها الان

Quiz
كويز يعني اختبار قصير ،، بعض المواد المس تحدد لكم انو مثلا كل ثلاثاء عندنا كويز ،، في مسز مت يذكروكم بحجة مكتوب في السيالبس فعشان كذا مره مهم السيالبس

Med Term
اختبار منتصف الفصل الدراسي ويكون عليه نسبه عاليه ،، برضو بالسيالبس

Final
الاختبار النهائي وغالبا يكون عليه ٤٠٪ من درجتك

GPA
اللي هو معدلك التراكمي واللي بيكون بشهادتك لما تتخرجي ،، ابدي صح عشان تحافظي عله مرتفع

هذا اللي خطرلي الى الان

لتمنى يكون الموضوع افادكم ونوركم شوي عن الجامعات

اتمنى لكم سنه دراسية حلوه ومعدل عاالي

احبكم