REVIEW cover girl lash blast volume mascara
السلام عليكم جميلاتي ()
ريفيو صغير عن ماسكرتي اللي استخدمها هالفتره .. لاش بلاست فوليوم من كوفر قيرل
قبل ابدا باقول لكم اللي ادوره بالماسكرات عموما عشان تعرفوا ذوقي
يهمني بالماسكرا تكون : ما تكتل .. هذا اهم شي عندي وعشان كذا شوي اعاني مع التركيبه
يهمني تكون خفيفه عالرموش وتكثفهم وتطولهم بدون الشكل العنكبوتي
وتكون ازالتها سهله بدون ما تطيح رموشي
الماسكرا الخارقه اللي لو عرفتوها ضروري تعلموني ههههه
بالنسبه لماسكرة كوفر قيرل ..
فرشتها من الفرش اللي تعتبر كبيره واللي تعطيك كثافه وطول
دبابيسها متقاربه بحيث تفرق لك الرموش شعره شعره
بالنسبه لتركيبتها متوسطه لا رطبه ولا جافه .. ريحتها شوي مزعجه تحسيها مواد كيميائيه
ماهي ضد المويه.. لما تجي تحطيها اول طبقه مره حلوه وبس تعطي لون لرموشك وتفرقها بدون تكتيل .. ثاني طبقه برضو حلوه وتبني رموشك
ثالث طبقة شوي تبدا تكتل وتصير رموشك عنكبوتيه وتقسى شويه
اللي يعجبني فيها انو لما احطها طبقتين بس تعطيني اللوك اللي ابغاه .. لوك صباحي خفيف
انا رموشي فاتحه وسوادها يطلع لي رموش لو فهمتوا قصدي :)
وحلو انو ما تفتت - الا لو فركتي عيونك او طولتي مره كثير - وتحافظلك عرموشك زي اول ما تحطيها
بالازاله شوي تعذبك بس انو مدة بقاءها تشفعلها ..
ممم .. احبها باختصار للشكل الطبيعي والسواد اللي تعطيني اياه
مناسبة للدوامات لكن للمناسبات ابدا لا .. ما حترضيك
الحين هالماسكرا متوفره عند التاجرات @flourishshopcom
بس كثير بنات قالوا انو كوفر قيرل هي نفسها ماكس فاكتور
وبالفعل نفس نفس فرشة فولس لاش ايفكت .. ونفس النتيجه ويمكن ماكس فاكتور افضل
صورة من النت عشان تشوفوا شكلها عالعين - بالصورة طبقة وحده -
كخاتمه تقييمي لهالماسكرا 8/10 عشانها تيبس الرموش وتكتل لو ما حطيتيها صح
تعرفوا ماسكارا خارقه تحقق شروطي؟ :) علموني بالتعليقات
- الصور من النت لأنو لسا ما اشتريت كاميرا :$ -
احس ماكس فكتور افضل منها ي ليت تتكلمين عن الماسكرا الكوريه
ردحذفانا جربت الخضرا ماي فيفوريت احطها تلات طبقات تكثف وترفع الرموش وللمناسبات احطها واحط بعدها ديور بعدها كتير يسألوني مركبه رموش ولا لا
ردحذفاحس الطبقه الاولى تنفع للمدارس كذا مو مره اوڤر 🐭🐭
ردحذفودي اجربها😍يقولون تشبه حقت ماكس فاكتور
ردحذف