تحديد نوع البشرة

Figuring out your skin type 

 كيف تحددي نوع بشرتك ؟ ،. حبيت ابدا مدونتي بالاساسيات ونحكي كيف تقدري تعرفي نوعية بشرتك؟ وليش هالشي مهم
 نوع البشره والاندرتون هم العاملين الاساسيين باختيار الفاونديشن ونوع مكياج وجهك والاهم من كذا عنايتك فيه عشان كذا بابدا فيه
- كلامي حيكون معظمه من مقال اجنبي اترجمه لكم لأني مره استفدت منه ،، وح ازيد عليه معلوماتي ..-
 نبدا بسم الله ،، تحديد نوع بشرتك غالبا يكون الصبح اول ما تصحي من النوم او بعد ما تغسلي وجهك ..
 ليش حددنا هالاوقات ؟ لأنو بشرتك تكون نظيفه وما عليها اي شي فتقدري تحكمي
غسلي وجهك عادي ولاحظيه خلال اول ساعتين

١- البشره العاديه normal skin :
 تكون مرتاحه ، ناعمه مع مسامات صغيره وقليله .. تعتبر متوازنه .. في بعض الاحيان تعاني اللمعان او/و الخدود الجاه .. صاحبة هالبشره تعتبر محظوظه لأنو تقريبا ماعندها حدود بالاختيار.

٢- البشره الجافه او شديدة الجفاف dry/extremely dry skin  :
بشرتك تكون مشدوده بعد ما تغسليها او تنظفيها ،، خشنه وفاسيه . يبان عليها الجفاف واحيانا القشور .. مساماتها صغيره جدا وغالبا غير مرئيه .. وغالبا تكون حساسه اكثر من باقي انواع البشرات .. تبان عليها التجاعيد والخطوط التعبيريه بشكل اسرع .. انتبهوا لازم ما نخلط بين البشره الجافه والبشره اللي محتاجه ترطيب او صايبها تجفاف .

٣- البشره الدهنيه oily skin :
غالبا لماعه من الزيوت على التي زوت ( الجبهه، الانف ، الذقن ) غالبا تعاني من البثور وممكن يكون فيها رؤوس سوداء وهي عرضه للبثور وحب الشباب اكثر بسبب افرازاتها الدهنيه .

٤- البشره المختلطه combination skin :
تكون دهنيه بالتي زون ولتلمع .. لكن الخدود تكون جافه او تعاني من بقع جافه .. فيها مسامات متوسعه بالتي زون ،، هالبشره تحتاج عنايه خاصه لأنها جمعت بين بشرتين فلازم نعرف نتعامل معها .

٥- البشره ناقصة الترويه او الجافه بفعل نقص الماء dehydrated skin :
يمكن هذا النوع جديد شوي او ما كنا نعرف انو له اسم ،، هالبشره من حيث الوصف تعتبر قريبه للبشره الجافه .. الفرق ان البشره الجافه ينقصها الزيوت ، بينما البشره الي صايبها تجفاف تكون تفتقر للماء .. غالبا صاحبات هالبشره ما يشربوا ماء بالقدر الكافي ، يدخنوا او يتعرضوا لملوثات كثير .. الحل لها تشربي ماء كثير ٨ اكواب يوميا عالاقل وتعاملي بشرتك نفس معاملة البشره الجافه.

هذي هي انواع البشره ال٥ باقي عندنا نتكلم عن حالات البشره ..

- اشربوا شوي قهوة وكملوا معاي -

وقفنا عند البشره ناقصة الترويه ،، حبيت اقول لمم في ناس تعتبرها حالة بشره وفي ناس تعتبرها نرع بشره
ونفس الشي البشره الحساسه ناس تعتبرها نوع وناس تعتبرها حاله

نكمل حالات البشره skin conditions :

- البشره الحساسه sensitive skin :
البشره الحساسه ممكن تكون جافه او دهنيه .. هنا البشره ممكن تتهيج بسهوله من مكياج او منتج عنايه .. تتهيج وتصير حمراء .. وومكن تحكك او بقع محدده تصير متهيجه ..

- حب الشباب  acne prone :
تكون في بقع محدده عالبشره غالبا يظهر عشكل بثور لها رؤوس وممكن تكون على شكل بقع صغيره او كبيره تغطي الجلد .. يسبب حبوب وبثور عالوجه لها رؤوس بيضاء وتكون منفوخه ومليانه ،، غالبا سببها تراكم الاوساخ والدهون او الوراثه .


- العد الوردي rosacea :
مرض جلدي يسبب احمرار الجلد .. اللي يعانوا منه غالبا يفضل يستعملوا المكياج اللي يحتوي على المعادن

- الاكزيما eczema :
غالبا تكون البشره جافه جدا وعليها قشور .. ممكن تسبب حكه وتضر ونزف احيانا .. ممكن يكون سببها التعرض للكيماويات  .. غالبا اللي يعانوا من الاكزيما تكون بشرتهم جافه وحساسه .

 نقطه اخيره .. لما احد يسألك عن نوع بشرتك تذكري انك تقولي نوع بشرتك ومكان اقامتك وحالة بشرتك لو عندك حاله محدده
كمان لازم تعرفوا نوعية بشرتكم ممكن تختلف بين الفصول .. انا مختلطه بالصيف وشديدة الجفاف بالشتاء
عنايتك تعتمد بشكل اساسي عتحديد نوع بشرتك

اتمنى افادكم الموضوع () شاركوه مع صديقاتكم لو تحسوه بيفيدهم () وعلموني نوع بشرتكم بالتعليقات تحت :)