REVIEW : frank body scrub

السلام عليكم ورحمة الله وبركاته ()

نورتوني ()
اول شي اشكركم على انكم وصلتوني اليوم 90k ويارب اكون قد الثقه ()
شي ثاني اني انوي اخلي هالمدونه مكاني الثابت .. وان شاء الله باشتغل عليها خلال هالصيف

موضوعنا اليوم حسب تصويت الاغلبيه عن مقشرات القهوه من فرانك ..
وقبل ابدا انا اسفه بشده اني تأخرت فيه .. اعرف اني من زمان واعدتكم فيه ٫ وكونت رأيي عنه لكن ما اسعفني الوقت اكتبه

نبدا سوا نتعرف على مقشرات فرانك ؟ ( وباستعمل صور لازمني لأني مجهزتها قبل () )

فرانك هي شركة استرالية الصنع والمنشأ ..   الى فتره قريبه كانت تبيع مقشرات حبوب القهوه فقط ثم اضافت الكريم المرطب والآن تتوسع اكثر وقررت تبدا خط عنايه بالبشره قائم على القهوة

اللي يهمنا اليوم بشكل اساسي مقشرات فرانك ..

هي مقشرات مصنوعه من حبيبات القهوه الطبيعية بالاضافة لعدة زيوت مغذيه ٫ منها حالياً ٤ أنواع تتشابه بالمفعول وتختلف اختلاف طفيف بنوع البشره والمشكله اللي تستهدفها

لكن بشكل عام كلها حسب الموقع تفيد مع التالي :  

الجلد الجاف - علامات التمدد ( الاسترتش ماركس) السيليوليت - الاكزيما - الصدفية وعروق الدوالي والندبات والاثار
كلها تجي بكيس حجمه ٢٠٠ غم مقاوم للماء وله سحاب يقفله من فوق لحفظه

خلونا نستعرض الانواع سوا ..

نبدا مع مقشر فرانك الاصلي original frank body scrub :

 

تحديد نوع البشرة

Figuring out your skin type 

 كيف تحددي نوع بشرتك ؟ ،. حبيت ابدا مدونتي بالاساسيات ونحكي كيف تقدري تعرفي نوعية بشرتك؟ وليش هالشي مهم
 نوع البشره والاندرتون هم العاملين الاساسيين باختيار الفاونديشن ونوع مكياج وجهك والاهم من كذا عنايتك فيه عشان كذا بابدا فيه
- كلامي حيكون معظمه من مقال اجنبي اترجمه لكم لأني مره استفدت منه ،، وح ازيد عليه معلوماتي ..-
 نبدا بسم الله ،، تحديد نوع بشرتك غالبا يكون الصبح اول ما تصحي من النوم او بعد ما تغسلي وجهك ..
 ليش حددنا هالاوقات ؟ لأنو بشرتك تكون نظيفه وما عليها اي شي فتقدري تحكمي
غسلي وجهك عادي ولاحظيه خلال اول ساعتين