السلام عليكم .. يسعد مساكم يا رب
اسفه انقطاعاتي تطول ، بس احاول قد ما اقدر اتواجد واجاوب اسئلتكم
الموضوع اللي وعدتكم فيه من مدة .. تماريني اللي اسويها وتمارين ثانيه تقدروا تسووها بالبيت
الرياضه والحياه الصحيه ثقافه .. قبل ماتكون شي معتاد تسوينه لازم يكون عندك الثقافه اللازمه
حتى لو حابه تبدين دايت .. لازم تتثقفي اول .. باحطلكم روابط استفدت منها
وسلسلة التخلص من البدانه كمان
بعد ما تقرؤوا المواضيع اللي فوق بتكتسبون كمية معلومات لا بآس بها
شي كافي انه يحفزكم ويخليكم تبدؤوا
قبل ما اكمل كلامي يحتاج انبه اني ماني اخصائيه ولا حتى طبيبه بس اشارككم اللي اعرفه وخبرتي اللي اكتسبتها
تنقسم التمارين الرياضية إلى نوعين :
الأول هو التمارين الهوائية مثل المشي والهرولة والسباحة وركوب الدراجة
النوع الثاني هو التمارين اللاهوائية مثل رفع الأثقال.
اللي يحاولون ينزلون وزنهم لازم يجمعون بين النوعين .. ليش ؟ الرياضه الهوائية خلونا نقول المشي مثلا
بتنزل لكم وزنك لكن جلدك بيترهل
الرياضه الهوائيه + المقاومه اللي هي لا هوائيه بتشد جسمك وانتي تنحفي








