السلام عليكم ورحمة الله وبركاته
كيف ايامكم والدراسة والشغل وكل شي ؟
هالتدوينه بس لتوثيق الموضوع الي سويته معكم بسناب من قريب عن تطوير اللغه الانجليزيه ، نفس المحتوى مع اضافات بسيطه
اول شي احب اقوله ان تخصصي الجامعي هندسة برمجيات مو لغات ولا انجليزي ولا شي ،بس لغتي الانجليزية جيدة جدًا الحمدلله وتجيني تعليقات عليها ، فلما الناس تسألني علمينا كيف وصلتي لهالمرحلة او كيف نطور لغتنا ، هذا يكون جوابي ، السنابات اللي شفتوها والكلام اللي باكتبه هنا
اولا : كثير منكم يعرفون انجليزي ، تعلموها قبل ، بس الاهمال وعدم الممارسة انستهم اياها
فالنصيحة الذهبية اللي اوجهها لكم : practice
مارسوا اللغه اللي تعلمتوها ، حتى لو ما تملكون الا مبادئ بسيطه ، راجعوها واعملوا عليها وطوروها
الكلمات مثلا .. حاولوا تستعملونها اكثر ، مبادئ المحادثه البسيطه جربوها وput it into use
سواءً كان مستواكم مبتدئ او متوسط او عالي ،، الممارسة بتطوركم اكثر
practice makes perfect
ثانيا : عشان تتطورين لازم تعرفين وين نقاط ضعفك ؟
مهارات اللغة الاساسية ٤ : الاستماع والمحادثة والقراءة والكتابة
