your Undertone is ?
اول موضوع نزل بالمدونة كان كيف تحددي نوع بشرتك . وقلنا هو الاساس باختيار الفاونديشن بالاضافه لشي ثاني وهو الاندرتون
دايما نقرا عالفاونديشن warm - cool - neutral اش يعني ؟
يعني هالفاونديشن يناسب اي سحنه ؟ وهذا السبب غالبا بان الفاونديشن يناسبك او لا ؟ يقلب لونه ؟ يطلعك رماديه ؟
نبدا بمعنى الكلمه .. لما نجي نوصف البشره عندنا ٣ حاجات مهمة
نوع البشره skin type
جافه /دهنيه /مختلطة
لون البشره الظاهري skin tone
بيضاء/ سمراء/ قمحيه / وهكذا
لون البشره تحت الظاهري اللي هو السحنه او undertone
عشان تعرفي سحنتك فيه كم طريقه .. عروقك ، المجوهرات ، ولون بشرتك مع الابيض
حاحاول اتكلم عن كل شي :
اولا : الاندرتون البارد cool undertone :
- اذا العروق برسغك لونها يميل ل الازرق او البنفسجي
- اذا بالشمس او مع اللون الابيض بشرتك تعطي على وردي ، احمر او ازرق ( طبعا شي بسيط )
- اذا تناسبك المجوهرات السلفر ( الفضي ) اكثر من الذهبي ( طبعا ما اتكلم عنك انتي اش تفضلين ، اتكلم اش الاجمل عليك )
معناها اندرتونك بارد ، غالبا اللي بشرتهم فاااتحه جدا يكونوا صاحبات هالاندر تون
طيب الحين عرفت ان اندرتوني بارد ، اش يناسبني من الوان ؟
- يناسبك الالوان الفاتحه عموما بالملابس . زي السماوي ، الوردي والابيض
- بظلال العيون / يناسبك السلفر ، الرمادي ، الازرق ، الوردي ، الوان المجوهرات
- الارواج / الاحمر ، التوتي ، البنفسجي الغامق او معظم الالوان اللي اندر تونها ازرق
- الفاونديشن والكونسيلر / يناسبك اللي اساسها زهري او محايد ( الكونسيلر غالبا نستعمل اللي اندرتونه اصفر او بيج عشان ما يبان كأنوا عينك مضروبه )
- البلش / وردي،روز فاتح
ثانيا : الاندرتون الدافي warm undertone :
اذا انتي :
- لون عروق رسغك اخضر او زيتوني
- بشرتك مع اللون الابيض تعطي على اصفر او ذهبي او مشمشي
- تناسبك المجوهرات الذهبيه اكثر من الفضيه وشكلها اجمل عليك
معناها بشرتك دافيه ، اهل الخليج عموما عندهم هالسحنه ، ولاحظوا الاندر تون ما يعتمد علون البشره لكن احيانا تصدف
اندرتوني دافي اش يناسبني ؟
- الملابس / مشمشي ، اصفر ، بني ، برتقالي محمر
- بظلال العيون / نحاسي ، ذهبي ، بني ، مشمشي , برونز ( الالوان الارضيه يسموها اللي هي درجات البني والاخضر )
- الارواج / الاحمر المايل للبرتقالي ، الكورال
- الفاونديشن والكونسيلر / يناسبك اللي اساسها اصفر او مشمشي
- البلش / الكورال او المشمشي
ثالثا : الاندرتون المحايد neutral undertone :
احسن اندرتون ، اللي عندهم هالاندرتون مره محظوظين لأن كل شي يليق عليهم
كيف تعرفي لو انتي منهم ؟
- العروق برسغك لوتها بين الاخضر والازرق والبنفسجي
- المجوهرات سواءً ذهبيه او فضيه كلها تناسبك وتليق عليك
- مع اللون الابيض بشرتك ما تعطي لا ازرق ولا ذهبي ولا اي شي زي البارد او الدافي تعطي لون بالنص بينهم
احلى شي بهالاندرتون ان كل شي يناسبه مافي اي شي ممنوع ،
يسموا هالاندتون الزيتوني احيانا ، وهو اريح اند تون 🌝 ، كل الالوان مسموحه ما دامها تليق علون بشرتك
الاسود هو لون مشترك عند كل الاندرتونز ، عشان كذا لاحظتوا اني ما حطيته تحت اي قسم
فيديو لحنان النجادة تشرح فيه الموضوع اكثر
http://youtu.be/N7kZqPfqT48
اضافه : مو كل المنتجات يكون مكتوب عليها اندر تونها .. بس منتجات ماك
C يعني اندرتون دافي اصفر
و W يعني اندرتون بارد ، وردي
فاونديشنات لوريال تجي مكتوب عليها
ووبس ، بكذا يكون خلص موضوعي يارب اكون افدتكم وقدرت اوصل لكم الفكره بشكل كويس
- الصور مو لي حقوقها تعود لصاحبتها .. مدونة اجنبية
شرحك مبسط وواضح👍 .. يسعدك ربي ماقصرتي شكراً لك بحجم السماء على مجهودك ❤. Maramesh1212
ردحذفيعطيك الصحة و العافية انا نفسي اتعلم اكثر عن اساسيات المكياج و احسن مكياجي ... يسلموووو دياتك حبيبتي ♡♡♡
ردحذفالله يعطيج العافيه على هالموضوع فعلا ساعدتيني من زمان وانا اشتري فاونديشن غلط ف الحين بختار على اصفر شكرا💞
ردحذفيعطيكك الف عافيه استفدت كثير
ردحذفروعة الله يديك العافية
ردحذفانا لون عروقي اخضر وبنفسجي 😶😶؟
ردحذفمحايد جميلتي
حذفمرة استفدت يعطيكي العافيه
ردحذفطب انا ايدي اليمين لون عرقها اخضر
ردحذفوايدي الشمال ازرق
كدا اندرتوني اية 😰