REVIEW : essence quattro eyeshadow 05 to die for

يسعد مساكم ()

لما نزلت صورة السواتشات بالمدونه كلو توقع انو شي غالي نيكد او لوراك برو
بس لا .. هو شي جدا رخيص وجميل
آيشدو رباعي من ايسنس .. اسم الدرجه ورقمها 05 to die for

الوانه جميله ٢ منها مات و٢ بشيمر

عرفت عنها من يوتيوبر مره احبها اسمها تاتي ذكرتها باحدى فيديوهاتها
http://www.youtube.com/tati

فصرت كل ما اروح لوايتس ادورها الين لقيتها الحمدلله واخذتها مباشره

شي ابغى اقوله .. صح انا مهتمه بمنتجات الدرق ستور وهي اكثر شي اعرضه لكن توقعوا منها المعقول
اكيد جودتها وثباتها ما بتكون زي ايشدوز من اربان ديكاي

حبيت الوانها مره وحسيت بتفيدني بكثير لوكات عيون
فيه لون لؤلؤي شيمري مره جميل لمدمع العين
لون نود مات طبيعي حلو كلون لكل الجفن
لون بني مات حلو لكسرة الجفن وعخط الرمش السفلي
ولون بني نحاسي بلمعه ذهبيه مره جميل ومميز

كيف ثباتها ؟
 بدون برايمر ما حتثبت معاك ولا ساعه ... انا استعملها بدون برايمر بس لخط الجفن السفلي
والسواتشات اللي شفتوها بانستقرام كانت بدون برايمر ترا بس باضاءة النهار وبالاصبع

مع برايمر كويس ممكن تثبت معاك ل٣-٤ ساعات بس الالوان الشيمريه بتخف لمعتها
هنا سواتش مع برايمر من نكس ( بليز تجاهلو التاتو حقي )
الاضاءه ظالمه الالوان صراحه .. بس جد الوانها جميله وخاصة الاخير

جودة الايشدو كيف ؟
الالوان جميله زي ما قلت وما تتناثر .. ناعمه وسهله بالدمج بس ضروري قبلها برايمر

بشكل عام انصح فيها ؟ 
لو انتي مبتدئه من جد وقاعده تحاولي تسوي لوكات عيون
انصحك فيها عشان الونها بتساعدك ولا تتحسفين بسعرها

السعر ومكان الشراء :
صيدلية وايتس وسعرها على ما اذكر اقل من  ٢٠

التقييم النهائي :

٦ / ١٠


حبيتوها ؟ ممكن تجربوها ؟
شاركوني رايكم بالتعليقات